"Amerika Ovozi" O'zbek xizmati radio, televideniye va internet axborot vositasidir.
2003 yilning 1 dekabridan boshlab tayyorlanayotgan ko'rsatuvlar sun'iy yo’ldosh orqali Qirg'izistonda Keremet TV va Afg'onistonda Oyna TV kabi mahalliy kanallarda namoyish etilmoqda. O'zbekistondagi hamkor-telestansiyialar hukumat bosimi ostida "Amerika Ovozi" bilan hamkorlikni to'xtatganiga qaramay, ko'rsatuvlarni sun'iy yo'ldosh orqali hech qanday to'siqsiz tomosha qilish mumkin. Signallarni qabul qilish va kanalni topish uchun maxsus qo'llanmadan foydalaning.
"Amerika Manzaralari" haftalik teledasturida xalqaro maydondagi dolzarb masalalar, AQSh tashqi siyosati va AQSh-Markaziy Osiyo aloqalari yoritiladi. Shuningdek, Amerikadagi siyosiy, ijtimoiy va iqtisodiy o’zgarishlar aks ettiriladi. Dasturlardan ilm-fan, salomatlik, tabiat, sport, kino va musiqiy mavzudagi lavhalar ham o'rin oladi. Quyidagi jadvalda hozirgi va yaqin o'tmishdagi hamkor telestansiyalar ro'yxati keltiriladi.
