དབྱིན་ཇིའི་རྒྱལ་ས་ལོན་ཏོན་དུ་སྐྱེས་ཤིང་ནུབ་ཕྱོགས་རྩོམ་རིག་ཆེད་སྦྱོང་གིས་སློབ་མཐར་ཕྱིན་པའི་བདེ་ཆེན་སྤེན་པ་ལགས་ནི་རྒྱ་ནག་རྒྱལ་ས་པེ་ཅིན་གྱི་མི་རིགས་སློབ་གྲྭ་ཆེན་མོར་སློབ་གཉེར་གནང་མྱོང་ལ། སྤྱི་ལོ་༢༠༠༨ལོ་ནས་བདེ་ཆེན་སྤེན་པ་ལགས་གྱིས་བོད་མི་རྒྱ་ཡིག་རྩོམ་འབྲི་བ་ཚེ་རིང་འོད་ཟེར་དང་བོད་ཡིག་ཟིན་བྲིས་པ་འཇམ་དབྱངས་སྐྱིད་ལ་སོགས་པའི་བོད་མིའི་བརྩམས་ཆོས་མང་པོ་དབྱིན་བསྒྱུར་བྱས་ཏེ། ནུབ་ཕྱོགས་སུ་བོད་ཀྱི་རྩོམ་རིག་ལ་ལམ་བུ་གསར་བ་བཟོ་བར་གཙོ་འགན་བཞེས་ཡོད། ༼རི་མཐོ་ས་གཙང་༽ཞེས་བའི་དྲ་ཚིགས་གསར་བཟོ་ཡིས་སྙན་ངག་དང་ཉིན་ཐོ། གཞས་ཚིག འབོལ་རྩོམ་སོགས་བོད་མིའི་རྩོམ་རིག་གི་གར་སྟེགས་གཞི་རྒྱ་ཆེ་རུ་བཏང་སྟེ། བོད་ཀྱི་རྩོམ་རིག་དང་བསམ་བློ་རྒྱལ་སྤྱིའི་གར་སྟེགས་སུ་མངོན་པར་འབད་པ་བྱེད་ཀྱིན་ཡོད། www.highpeakspureearth.com