တိုင်းရင်းသား လူမျိုးစု လက်နက်ကိုင် အဖွဲ့တွေ အပါအဝင် မြန်မာပြည်နိုင်ငံရေးမှာ အဆုံးအဖြတ်ပေးနိုင်မယ့် သူအားလုံးနဲ့ တိုင်းပြည် အကျိုးအတွက် လက်တွဲ ဆောင်ရွက်သွားမှာဖြစ်တဲ့အကြောင်း မြန်မာနိုင်ငံကို ရောက်နေတဲ့ ABSDF မြန်မာနိုင်ငံလုံးဆိုင်ရာ ကျောင်းသားများတပ်ဦး ဥက္ကဋ္ဌ ရဲဘော်သံခဲက မနေ့က ရန်ကုန်မှာ ကျင်းပတဲ့ သတင်းစာရှင်းလင်းပွဲမှာ ပြောဆိုပါတယ်။ ဒါ့အပြင် ပြည်တွင်းကို ပြန်လာခဲ့တဲ့ ရည်ရွယ်ချက်ထဲမှာတစ်ခု အပါအဝင် ဖြစ်တဲ့ ရှစ်လေးလုံး အရေးတော်ပုံကြီးမှာ ကွဲကွာခဲ့ရတဲ့ ပြည်တွင်းပြည်ပ ၈၈ မျိုးဆက်တွေ စုစည်းပြီး အစည်းအဝေးတစ်ရပ်ကျင်းပဖို့ ရှိတယ်လို့ လည်း ဒီကနေ့ သတင်းစာရှင်း လင်းပွဲမှာ ကျောင်းသားတပ်မတော် ခေါင်းဆောင်ပိုင်းတွေကပြောလိုက်ပါတယ်။ ဒီအကြောင်း ကိုအောင်အောင်က ဆက်လက်တင်ပြပါမယ်။