ຝຣັ່ງໄດ້ສົ່ງໜ່ວຍປະຕິບັດການພິເສດ ໄປຄຸ້ມກັນພວກບໍ່ທາດ​ ຢູ​ເຣນຽມ ຢູ່ໃນປະເທດໄນເຈີ. ບໍ່​ເຫລົ່າ​ນັ້ນແມ່ນສະໜອງສ່ວນ ໃຫຍ່ຂອງທາດຢູເຣນຽມ ທີ່ຝຣັ່ງຕ້ອງການ ສໍາລັບອຸດສາຫະກໍາ ພະລັງນີວເຄຼຍຂອງຕົນ​ນັ້ນ. ຂະນະ​ດຽວ​ກັນຢູ່ພາຍໃນປະເທດ ນັ້ນ ລັດຖະບານຝຣັ່ງໄດ້ເພີ່ມຂີດຄວາມລະວັງ ໄພການກໍ່ການ ຮ້າຍ ໃຫ້ຢູ່ໃນລະດັບສູງສຸດອັນ​ດັບສອງ ພ້ອມກັບເສີມກໍາລັງ ຮັກສາຄວາມປອດໄພຢູ່ຕາມ​ໂຮງການ​​ໃຫຍ່ໆຂອງລັດຖະບານ ແລະສະຖານທ່ອງທ່ຽວທີ່ສໍາຄັນໆຕ່າງໆ. Henry Ridgwell ຜູ້ສື່ຂ່າວວີໂອເອ ລາຍງານຈາກນະຄອນຫຼວງປາຣີ ກ່ຽວ​ກັບ​ ຄວາມຢ້ານກົວວ່າ ຈະມີການແກ້ແຄ້ນຂອງພວກກໍ່ການຮ້າຍ ຢູ່ພາຍໃນປະເທດແລະຕ່າງປະເທດ ລຸນຫຼັງທີ່ຝຣັ່ງໄດ້ສົ່ງ ທະຫານ ເຂົ້າໄປແຊກແຊງໃນປະເທດມາລີ.