བོད་མིའི་མི་ཐོག་གསར་བ་ཚོ་མདུན་དུ་ཐོན་ནས་ཕྱི་རྒྱལ་མི་རིགས་ཚོ་དང་འདྲ་མཉམ་གྱི་ ལྟ་ཚུལ་ཐོག བོད་མིའི་མགྲིན་ཚབ་པ་བོད་མི་རང་ཉིད་བྱ་དགོས་པར་འབད་བརྩོན་གནང་མཁན་ལྷག་བསམ་ལགས་ཀྱིས་ལྷག་བསམ་གསར་འགྱུར་རྒྱུད་ལམ་ཞེས་པ་བཙུགས་ཏེ་བོད་ནང་གི་བོད་མིའི་དཀའ་ངལ་དང་། བཙན་བྱོལ་བོད་མིའི་གནས་བབ་སོགས་དངོས་ཡོད་གནས་ཚུལ་བསྒྲགས་པར་ལོ་ངོ་མང་པོར་ ཧུར་བརྩོན་བྱེད་མྱོང་ལ། དེ་རིང་ལྷག་བསམ་གསར་འགྱུར་རྒྱུད་ལམ་གྱི་གཙོ་གཉེར་བ་ལྷག་བསམ་ལགས་ཀྱིས་ལས་ཀའི་རྒྱུད་རིམ་ཁྲོད་མཐོང་བའི་བོད་མིའི་སྤྱི་ཚོགས་ཀྱི་ངོས་གཞན་ཞིག་གཏམ་གླེང་བྱེད་ཡོད།